ريما الرحباني ترد على خبر الزام فيروز بدفع مليون دولار

متابعة خاصة: بعد ايام على الخبر الذي نشرته “السفير”، حيث كشفت الجريدة معلوماتٍ خاصة عن حكمٍ قضائي صدر بحقّ السيدة فيروز يقضي بإلزامها دفع مبلغ 800 ألف دولار أميركي إضافة الى الفوائد والمصاريف. وأن الحكم الصادر في أميركا عام 2009 يتعلّق بحقوق مدنيّة وماليّة لثلاثة أشخاص هم لبنانيان وأميركي، وذلك بعد خلاف حول حفل فني ضخم أقامته السيدة فيروز في مقاطعة كونيتيكت.

ردت ابنة السيدة فيروز لأول مرة على الموضوع وذلك في تعليق نشرته على صفحتها الخاصة عبر موقع فايسبوك وقالت: “ده فيلم أميركي – إسرائيلي طوييييييييييييييييييييييييل… إيييييييل ما ممكن يتفبرك ويصير إلا بأميركا!!! وبرضو بس تحضرو ما بتصدّقو ع قد ما واضح إنّو مفبرك وركيك… إيه وصار! إيه والله!”.

وتابعت ريما: “نحنا وعم نقدّم حفلات بأميركا سنة ٢٠٠٣ ظهر شخص فجأة ما منعرفو ولا بحياتنا شفناه وإدّعى إنّو معو وعد هوّي ياخد فيروز ع أميركا بحفلة!!! أَفندُم؟؟؟ وعد! من مين؟ وين؟ كيف؟ ليش؟؟ بموجب شو؟ من وين لوين!؟ إنت مين؟ ولا شي!! ربّك عليم.. وركّب من الكذبة قضيّة وكفّى الفيلم لحالو.. هوّي والأميركان طبعاً.. ”

واضافت: “وهلق بال ٢٠١٦ عم نتفاجأ بظهورو من جديد ليطبّق الحكم تبع الفيلم الأميركاني – الإسرائيلي بلبنان.. وتبلّغناه بالإعلام!! إيش ده!؟ نحنا فين!؟ “.

وختمت قائلة: “ما بدّي فوت بتفاصيل ولا بدّي ساهم بالسكوبات.. ثقتي كبيرة بالقضاء اللبناني وحدو قادر يوضع حد لهل الإفتراء والإبتزاز والتشهير.. والله كبير”.