خاص- داليدا خليل في أول تعليق عبر بصراحة بعد تعافيها من كورونا، وهذا ما كشفته عن المستشفى والانفجار

تحت عنوان “في قلبي ٢٧٠٠ طنًا من الكلام والألم وبهذا الفيديو حاولت أن أفجرهم…لأن ممنوع ننسى.. بيروت“، فاجأت النجمة اللبنانية داليدا خليل الجمهور والمتابعين والمحبين بإعلان اصابتها بفيروس كورونا وشفائها منه، وذلك من خلال فيديو نشرته عبر حسابها على موقع انستغرام فجرت فيه الغضب الذي في داخلها برسالة مؤثرة وقوية في آن، عقب الانفجار الذي هزّ وسط بيروت وأسفر عن وقوع آلاف الضحايا ودمار العاصمة.

موقع “بصراحة” تواصل مع داليدا للإطمئنان عليها، فقالت: “الحمدالله مر كل شيء على خير وانا حالياً افضل”. وكشفت لنا أنها دخلت الى المستشفى حيث خضعت لـ City scan ثم حجرت نفسها في المنزل لمدة 17 يوماً. ثم خضعت مرتين لفحص pcr لتظهر النتيجة سلبية. وأشارت داليدا ان كل هذا الوقت مرّ بوقت الانفجار والناس يتعذبون ويموتون.

وجاء في صرخة داليدا خليل عبر فيديو حمل توقيع المخرج ريشا سركيس: “بيروت، كيفك؟ خبريني عن كوابيسك.. خبريني عن أشباح الليل اللي عتّموا إيامك.. وعن يللي سرقوا الضحكة ويتّموا أحلامك.. من يوم اللي دمروكِ.. وأنا عم موت.. ميّة موتي عليكِ وعا حلاكِ.. عم موت.. وبهاليوم الأسود كان المرض الساكن فيي..مانعني إفتح إيديي لأقرب شخص عا قلبي.. لأقرب من روحي عليي.. مانعني داويلو جروحو..إمنع اللي راحوا يروحوا.. وإختي اللي مرميّة عالأرض..تصرخلي وأوصلاّ ما فيي..نشّفوا دموعي.. وانكسر قلبي.. وأنا محجورة بغرفة.. وعم موت مرتعبي“.

وتابعت داليدا: “شو اللي وصلّنا لهون، قولوا شو الخبرية.. قولولي مين بدنا نحاسب والحقيقة مخفية.. كلّو بستّر ع كلّو.. لو كلّن عنا بحلّو.. ما هني يللي قتلونا.. وأصلا هني البلا كلّو.. خبريني يا بيروت؟.. كم مرة بدنا نموت.. وعم بقولوا يللي راحوا.. انكتبلن عمر جديد.. قوليلي احكيلي.. هيدا الحكي مزبوط؟.. ومعقولي هني يللي عاشو ونحن.. ونحن.. اللي عم منموت؟“.

وختمت داليدا صرختها بهاتشتاغ #ممنوع_ننسى في إشارة منها الى أنه يجب محاسبة كل من تورط في هذا الانفجار الذي ترك أثره السلبي على الشعب اللبناني.

مقالات متعلقة

Back to top button

Adblock Detected

Please disable ads blocker to access bisara7a.com