تامر حسني يتحدث عن مرض شقيقه وأشياء لم يكشفها من قبل
وجّه الفنان المصري، تامر حسني، رسالة دعم ونصائح لجمهوره بعدما لفته تعليقات سلبية عبر حساباته.
وقال تامر حسني عبر حسابه لرسمي على موقع فايسبوك باللهجة لمحكيّة: “قرأت معظم التعليقات على قد ما قدرت على آخر منشور لي وفهمت اكثر حاجتين من تعليقاتكم عاملين احباط لمعظمكم.
١- اليأس من النجاح
٢- احباط المقربين
وبعضكم واصل لفقدان الامل والشغف وبعضكم فاقد الامل في الحياه نفسها”.
وأكمل “حسني”: “سطلب طلب منكم قبل أي شيء افتكروا معاناتي في بدايتي وظروفي الصعبة من غير أب أو أي فلوس وبنزل اشتغل في الشوارع من عامل بنزينه لسوبرماركت لفاعل يعني اللي بيبنوا العمارات بطلع طوب و اسمنت عشان ارجع بيتي لامي الغلبانه بأي خمسه جنيه بالإضافه لمرتب النادي لما كنت بلعب كوره كان مرتبي ٢٢ جنيه في الشهر منهم بقى تحويشة الميه والكهرباء وعمليات اخويا عشان كان عيان لفترة طويلة كنت بعمل المستحيل فعلاً عشان امي واخويا وعشان اوصل لهدفي”.
وتابع: “كان جوايا سعي دائمًا لطريقين الكورة والغناء وبقول دا عشان ناس كتير عايز انصحها بالخطة البديلة عشان لو الحلم مجاش يكون في غيره زي ما انا كان نفسي ابقى لاعب كورة والكورة مش ليّ والاندية كلها مشوني رغم تفوقي كنت بسأل نفسي ليه الابواب كلها بتتقفل في وجهي اتاريها بتتقفل عشان توجهني لمسار آخر ولما آمنت بكده فهمت قدام ان ربنا كان شايلي الاحسن ليّ بس ساعتها مكنتش فاهم، واللي بيسأل نفسه دلوقتي يعني انا اكمل في حلمي ولا اشوف حلم تاني هقوله دايماً اطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكدلك تكمل او لا بس اجتهد واتعب عشان المجهود دا ليه كرم متحوشلك في مجالك التاني فوعى تقول تعبت على الفاضي وبالنسبة للمحبطين هيفضلوا موجودين انت اللي بتسمعلهم وانت اللي بتسمح انك تتأثر بيهم امنع دا فوراً متبقاش السبب في اذية نفسك متتشدش غير لكل جميل ولكل ايجابي هتلاقي كل الحلو بيجيلك ومتعملش العكس عشان هيجيلك برضو”.
وختم قئلاً: “عشان كدا بقولك انت السبب دايماً قول يارب واجتهد وافهم ان الراحة المطلقة في الجنة فقط ونحن على الارض وربنا قال انه خلقنا في كبد يعني شقاء عشان يكون عندنا تحدي نكسبه ولازم نكسبه عشان كتير قبلينا كانت ظروفهم اصعب ووصلوا يبقى الموضوع فينا، متبقاش اكبر عدو لنفسك، انت السبب، خذ قرار صارم فوراً في التغير والنهوض والنجاح والله هتوصل متسمعش غير لقلبك وسلم قلبك للّي خلقه وتوكل على الله”.
