“ضربني وسحلني وسرقني”… اعترافات صادمة لشيرين عبد الوهاب ضد حسام حبيب… والأخير يردّ

تصدّرت الفنانة شيرين عبد الوهاب الواجهة من جديد بسبب خلافها مع زوجها السابق حسام حبيب وصدمت الجمهور بالكشف عن تفاصيل دقيقة حول حياتهما الشخصية.

وقالت شيرين حبيب في مداخلة هاتفية مع الإعلامية “لميس الحديدي” في برنامج “كلمة أخيرة”: “حسام سرق العربية من قدام البيت..مستغلاً تواجدي الساحل.. أنا خرجت من الجوازة دى بالوكسة والحسرة.. دا إنسان خطر، لازم أروح اتعالج من آثاره عليّ”.

وتابعت شيرين قائلة: “كنت متكفلة بمصاريف بيته التاني (بيت والدي حسام حبيب) .. لان حسام لا يعمل”.

واعتذرت شيرين من الجمهور على الهواء وقالت:”عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبحبهاش لاني بنت اصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه”.

وكشفت شيرين انها عاشت ايامًا صعبة على مدار اربع سنوات هي وابنتيها وقالت: “سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي، ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة أنى بحافظ على بيتي لكني اكتشفت أنه ما كنش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنة”.

وشددت شيرين ان حسام حبيب همّه حب الامتلاك ورغم هذه الصفة هي صبرت لأنها كانت تحاول انجاح الحب الذي كان بينهما، هو طلب 10% من أرباح عملي وقالت: “أنا اتجوز قرد ومارجعش ليه تاني.. ومش عايز أعرف حد اسمه حسام تاني. أنا استاهل الضرب عشان طلعت قلت ما بيخدش منى فلوس.. أنا أسفة للناس عشان كدبت عليكوا، وهتعب عشان أرجع تاني شيرين اللي ضيعتها.. وعلاقتي بحسام عمرها ما كانت حب”.

وكشفت شيرين ان حسام حبيب حمل السلاح في وجهها وفي وجه ابنتيها، وقالت: “عيالي كانوا هيضربوا بالرصاص، قبلها بيومين قاعدين في الأوضة، طلع من الدرج علبة فيها رصاص.. راح مديني رصاصة وقال لي خد دي مني هدية، احنا اطلقنا لما قصيت شعري (بائن)، واللي حصل بعد ما هديت من الكارثة حسيت إن أنا مش قادرة استغني عنه واديله فرصة تانية.. خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عيني ورجعت فقولنا ندي فرصة تاني وشروط.. وبناتي فى بيت تاني ونشتغل.. لحد ما ابتدت الوعود تتلاشى والمشاكل ترجع تاني وقلة الأدب ترجع تاني”.

وكشفت ان حسام حبيب هو من قصّ لها شعرها وقالت: “كل خناقة تحصل ما بينا يحرق دمي لحد ما امسك المكنة واحلق شعري.. وطلعت غنيت عشان بناتي مايتعقدوش وحسستهم إنه (نيو لوك)”.

واشارت شيرين ان حسام حبيب جعلها تخسر أمها واصدقائها ويرى جميع الناس متأمرة عليه وهي صدقته ولكن الحقيقة ليس كذلك وحسام يجب أن يتعالج نفسيًا.

وتابعت قائلة: “أتجوز فيل أو قرد من جنينة الحيوانات ومتجوزش حد اسمه حسام حبيب أنا كنت زي البدر، ولما اتجوزته بقيت زي حسن أبوالسعود. انا حبيته عقربة.. أنا في حياتي متأذتش من إنسان كدة.. إنسان قلبه أسود ويغتاب كل الناس”.

وفي أول تعليق من حسام حبيب، نفى عبر “إي تي بالعربي” الاتهامات التي وجهتها له شيرين عبد الوهاب واكد انه اضطر للسكوت كل الفترة الماضية حفاظاً على سمعتها، وأكد ان ردّه على شيرين من خلال وسائل الإعلام سيكون بالحقائق والمستندات.