متابعة بالفيديو – احمد حلمي يوضح حقيقة الاعلان الذي جمعه مع ليونيل ميسي… وهذا ما قاله

اوضح النجم المصري احمد حلمي على صفحته الخاصة على موقع فايسبوك حقيقة الاعلان الذي جمعه مع اللاعب الارجنتيني ليونيل ميسي. واكد انه لم يخدع جمهوره بل ان كل نجم تم تصوير الجزء الخاص به في بلده، مشيراً الى انه انشأ صفحته الرسمية لكي يتواصل مباشرة مع معجبيه ولكي يخبرهم بكل تفاصيل اعماله الفنية.

ويظهر احمد حلمي في نهاية الاعلان التجاري عندما يناديه ليونيل ميسي لالتقاط صورة على طريقة “السيلفي” معه، وقال عضو لجنة “اراب غات تالنت”: على صفحته: “يا اصدقائي وصديقاتي الاعزآء .. انا مقولتش اني قابلت ميسي ولا حتي شفته .. انا قولت “ده اعلاني الجديد مع ليونيل ميسي” .. انما كل واحد مننا صور الجزء بتاعه في بلده .. وده الطبيعي اللي بيحصل في الاعلانات اللي بيكون فيها كذا شخصيه من جنسيات و دول مختلفه .. ممكن تكون غلطتي اني موضحتش طريقة عمل الاعلان .. بس ده لاني تخيلت ان دي حاجه ممكن تكونوا عارفينها .. وعلي فكره في اعلانات كتير اجنبيه اتصورت بالطريقه دي برضه .. بس طبعا كله لازم يكون بالاتفاق والموافقه مع كل الاطراف اللي هتظهر في الاعلان .. يعني كل واحد لازم بيبقي عارف مين الشخصيه اللي هاتظهر معاه في الاعلان ولازم يكون موافق عليها كمان .. والا كان بقي زمان كل واحد راح عمل اعلان لنفسه حط فيه كل نجوم العالم ..

وتابع “حلمي”: علي فكره انا لما عملت الصفحه دي عملتها علشان اكون متواصل معاكوا .. مش علشان اخدعكوا .. لان اخر حاجه ممكن اعملها في حياتي هي اني اخدعكوا او اضحك عليكوا .. لاني قبل ما اخدعكوا هاكون بخدع نفسي .. اوعدكوا المره الجايه في اعلاني مع “جيمس بوند” هابقي دقيق اكتر من كده .. ((مافيش اعلان مع جيمس بوند ولاحاجه .. انا بهزر لحسن تاخدوها بجد)) .. وكل سنه وانتوا طيبين ..”.

شاهدوا الاعلان

نشير ان النجم احمد حلمي ينتظر عرض فيلمه الجديد “صنع في مصر” في عيد الفطر، ويشارك في بطولته نخبة من نجوم الدراما نذكر منهم احمد حلمي، ياسمين رئيس، دلال عبد العزيز، وإدوارد، والطفلة نور عثمان، وهو من تأليف مصطفى حلمي ومن اخراج عمرو سلامة.