السيدة فيروز بصحة جيدة
بعد انتشار خبر نقل السيدة فيروز الى المستشفى بحالة حرجة كالنار في الهشيم على مواقع التواصل الاجتماعي، خرجت ابنة السيدة فيروز، المخرجة ريما الرحباني لتؤكد ان فيروز بخير ولا صحة للاخبار التي يتم تناقلها.
وقالت ريما على صفحتها الخاصة على موقع فايسبوك:
“كتير بيضحكوني المصادر المقرّبة! منين بيضلّن ينبّتوا ويصرّحوا كمان!! أبداً ما رح نلاحق اللي طلّع الإشاعة لا قانونياً ولا غير قانونياً وأساساً العيب الأكبر من اللي عم ينشر الإشاعة من بعدو، بيدون ما يتأكّد من الخبر ورغم نفي الخبر، مع إنو الواحد مش مضطر يفوت بلعبة النفي لأن هيدي إحدى الإشيا اللي بتعمل بلبلة بتناسب مُطلق الإشاعة.”
واضافت ريما “والغريب عجيب بالموضوع إنّو رغم النفي، بيضل في ناس مُصرّين إنّها مش إشاعة!! إيي!! إنّو مضطرّة أنا كمان إبعتلن فرداً فرداً تطمين تيرتاحوا!؟ ما حدا بدّو يقرا وبدّن ياها من الآخر. إيي! حالتن اللي حرجة جداً جداً.”
وكان جمهور فيروز الكبير حول العالم قد شعر بالقلق على صحة “جارة القمر” اثر انتشار هذه الاخبار الكاذبة على مواقع التواصل الاجتماعي.
