تغطية خاصة – سمير صفير يشن اعنف هجوم على (اكس فاكتر): اخاف ان يدفع وائل كفوري وحسين الجسمي الثمن غالياً

هاجم الملحن سمير صفير برنامج المواهب “اكس فاكتر” ووجّه انتقاداً لاذعاً للنجمين وائل كفوري وحسين الجسمي بصفتهما عضوين في لجنة تحكيم البرنامج.

وشنّ “صفير” اعنف هجوم على البرنامج منذ بداية انطلاقته حيث اطلق سلسلة من التغريدات انتقد فيها سوء اختيار المواهب معتبراً انها كارثة في حال كان “كفوري و “الجسمي” هما من اختارا المواهب متحسراً على الاموال التي تصرف في غير مكانها. مشدداً على انه يخاف ان يدفع وائل كفوري وحسين الجسمي الثمن.

وقال “صفير”: تابعت كذا حلقة من ال xfacter وصار عندي حشرية كتير اعرف اذا فعلاً وائل كفوري وحسين الجسمي هني فعلاً من اختار المشتركين، وعندي إحساس انو مش هني اللي اختارو المشتركين لانو كارثة اذا كانو هني .
وتابع “صفير” انتقاده اللاذع: للحظات ما صدقت شو عم بسمع لدرجة انو بلشت اقنع حالي انو ممكن يكون هذا البرنامج الذي مفروض ان يكتشف المواهب الجيدة بل الخارقة بكل ما لها هذه الكلمة من معنى , هو معكوس اي هو برنامج لاكتشاف المواهب المنشزة .

واضاف “صفير” مستغرباً: معقول اللي عم بيصير ، نجمين من الدرجة الأولى من حيث النجومية والصوت ، يفوتو بهذه المعمعة والخربطة مين يلي عمل البحث عن المواهب ، مينو يلي ما شاف من هالعالم العربي المليء بالمواهب الرائعة غير على شكلو يا ضيعان الهوى اللي عم بيضيع عالفاضي ويا ضيعان المال يلي عم بينصرف عالفاضي، وهي لحكايي شو بدا لا تصير ممتازة ؟ بدا أشخاص يبحثو جيداً عن مواهب حقيقية ويقدموها للتبارز ، بدا ناس شغلتها هذه الشغلي ، لأني انا اكيد انو اللي عمل هذا البحث وجاب هذه المواهب ليقدمها للناس هو اطرش واعمى وفاقد الحس ، أو فاقد الوعي ، واني اتسائل اين إدارة هذا البرنامج والمسؤولين عنه اين روتااااانا

وتابع: ولّا مطمنين فكرت انو شو ما قدمو ما حدا رح يكتب عنهم شي من أهل الصحافة والناس رح تفضل تصوت ورح يضلو يربحو الأموال طيب يا جماعة ماشي الحال ، شو بياثر عليكن اذا حسنتو البحث وبدل ما تقدمولنا مهرجين ومنشيزين تقدمولنا مواهب خارقة.

وختم “صفير” تغريداته على كل حال لا حياة لمن تنادي ، في اثنين هم اللي رح يدفعو الثمن ، الأول هو شركة أكس فاكتر الأم وأنا اكيد اذا بيعرفو شو عم بيصير بفكرة برنامجهم بيسحبو الترخيص منهم ، والثاني وهو يللي بيهمّني هم وائل كفوري وحسين الجسمي ،الله يكون بعونكم وانشالله تخرجو سالمين من هذه المعمعة .