الفنان غسان الرحباني انتقد (جيل النرجيلة)… وعبّر عن خوفه على اولاده
حل الفنان والملحن الموسيقي غسان الرحباني ضيفاً ضمن برنامج “أبيض أسود” مع الاعلامي قاسم دغمان على شاشة للـnbn ضمن الفقرة الثانية “أبيض أسود فن” الساعة 8:30 مساءً.
بداية وبعد عرض تقرير مصور نقل أراء المواطنين بغسان الرحباني توقف عند جملة قالها أحدهم مطالباً بنسخة عن غسان الرحباني في كل المحافظات اللبنانية معتبراً ان ذلك يعود لأنه ينتمي الى عائلة كريمة ” طلبوا مني نسخة بكل محافظة لاني من عائلة آوادم فيني قولها بكل فخر وجهاراً، قدرنا بفضل ابي وعمومتي ونحنا انو نضل عند حسن ظن الناس”
“وأهل كل انسان عندن شي من وطن الرحابنة يلي كلنا منحلم فيه كرمال هيك انا بوحيلن بالثقة والاودمة”.
وعن السبب الذي جعل من غسان فنان متميز بأسلوبه عند الجمهور أجاب ” مش لاني ماشي عكس التيار الناس بتعرفني ولا لأني بقول كل شي بصراحة هيدي بطلت مرجلة اليوم كل واحد عم يقدر يعبر عن رأيه، يمكن علمِت عند الناس لما كان الوجود السوري بلبنان وانا كنت اطلع احكي ضد هالاحتلال وانو البلد ما لازم ينحكم من خلال الغرباء وأيضاً الناس عرفتني بمواقفي ضد اسرائيل يعني كل شي قبل 2005 لما الواحد كان يحكي عكس التيار هيدي فيك تسميها مرجلة بس انا كنت عم احكي غرائزياً مش بطريقة مقصودة لكون بطل وعندي شعبية، بس أنا (تيس) وبدي احكي يلي بدي ياه وما كانت فارقة معي”.
اما اليوم لا يوجد أي عداء ضد سوريا كانت هناك خصومة وانتهت مع رحيل الجيش السوري عن الأراضي اللبنانية.
وعن المنافسة داخل العائلة أكد الفنان غسان الرحباني انه يحترم كل فرد من آل الرحباني دون استثناء والمنافسة بينهم شريفة وايجابية من اجل رقي فن الرحابنة وتقدمه نحو الافضل باستمرار ولا عداء بينه وبين احد من افراد العائلة.
اما من خارج العائلة فأكد غسان الرحباني ان الفنانين داخلهم محبة وهم حساسون أكثر من الناس العاديين ” ولكن انا بقلق من فترة تفاجئت لما عرفت انو فيه لبنانية منن فنانين بعدد من الدول العربية عم بيحاربوني وما بدن نقدم شي عمل بالهدول العربية وبعدني لهلق ما بعرف ليش مزعوجين مني وما بدن قدم فن هونيك عم بيحركشوا وماخدين مواقف من بيت الرحباني”
وعن سبب قوله أن الفنان زياد الرحباني يعض على الجرح نفى غسان ان يكون السبب متعلق بمشكلة نجله عاصي ” بعتقد بقضية عاصي حكيوا كل شي والامور واضحة وما في شي مخبة”
انا وأبي لم نتدخل بالموضوع وانا أحب عاصي جداً أعتبره ابن ابن عمي ولكن لا أراه كثيراً لا نلتقي باستمرار ولكن عندما نتحدث على الهاتف احترمه كثيراً ” هوي ابن ابن عمي وانا ما بتخبا وراء اصبعي انت بس تتربى مع حدن من انت وصغير على اساس انو بيقربك ما فيك تكب شعورك انا مني مكنة والشعور بالمحبة بيكبر مع الوقت”
هذا واعتبر الفنان غسان الرحباني انه اذا وصف الناس الكاركتير الخاص به بالـ”مصروع” فليسى الموضوع بالنسبة له أسود لأنهم غير مثقفين ولا يعرفون شي عن للـ”Hardrock” الذي يحتاج الى ستيل وتقنيات خاصة وهناك من يرغبه ويتابعه وهناك العكس وكل شخص له الحق ان يصفني كما يشاء ويحلو له.
غسان الرحباني الذي أظهر اهتمامه بتغير واقع حال شباب اليوم انتقد من أسماهم “جيل النرجيلة”وقال هناك أشخاص خارج الحياة وكأنهم في “coma” الآن تتزايد ثقافة “Ipad” من أجل لـ “sex” والتحشيش والدعارة.
أنا أخاف عندما يكبر أولادي من سيعاشرون والشاب الذي سيخرج مع ابنتي ماذا سيفعل لا يهمني ولكن لدي مشكلة أن تخرج مع أشبه برجل ” انو بيجي حاطت 7 حلقات بدينتو ومنخارو وبلسانو انو هيك واحد شو بقلو”
وعطفاً على هذا الموضوع أكد غسان الرحباني أنه شخص متحرر ولكن للحرية حدود ” أنا مني ابو ملحم لما بيحكي هيك” ولكن الحرية اذا تزايدت تصبح فوضى ” والحلقة لو كانت موضة انا ضدها انا اعزف اجنبي ولبست جلد وبناطلين نجيز بس ولا مرة حطيت حلقة او رسمت وشم على جسمي ولا حششت ولا دخنت”
أنا متحرر ولكن واعي بنفس الوقت.
” الاكسسوارات يلي انا بحطها بايدي منها متل الحلقة يلي هيي بتمثل شي دخيل على الرجولة وانو اذا على ايا ميلة من الديني حتى يميزوا حالن اذا مثليي الجنس او لاء بعد ناقص يلبسوا تنورة ويقولوا هيدا فلكلور او موضة”.
اما في السياسة فأكد غسان الرحباني أنه ما زال يؤيد نفس الفريق مع كثرة تحفظاته وملاحظاته “يلي انا معن صار فيه عندن كتير غلط ولكن مش عم بتدخل ويلي بحط ايدو بالسياسة بتروح عليه وبدو يكون وسخ وان مني هيك” وما زلت ايضاً ضد الفريق الاخر.
هذا وأكد الفنان غسان الرحباني ان العماد ميشال عون لم يعاتبه ابداً عندما انتقد التيار في مقابلاته الاعلامية وقال ” انا آخر مرة زرتو لما هنيتوا بالسلامة بعد محاولة اغتيالو بصيدا ” ومن يقل اننا على خلاف وانا ممنوع من زيارته فهذا الامر غير صحيح.
وفي ختام الحلقة أكد غسان الرحباني أن احد لا يستطيع منافسته ” انا بمطرح وهني بمطرح تاني انا قد 8 او 9 أنا مخرج ومؤلف وملحن وموزع وممثل ومسرحي ومغني…. ومن ينافسني فهو يستهدف جزء من هذه المهام وليس على اساس كل ما اقوم به.
