اشتقنا لزياد الرحباني

حملة “الشعب يريد زياد الرحباني” هيّي فرصتنا لنعبّر عن مدى حبّنا لزياد الرحباني وشوقنا لأعماله ولنعرف رأيه بكل المستجدات على كل الأصعدة .

الحملة اللي عم نقوم فيها هّيي كناية عن توقيع عرائض وبتضّمّن إستفتاء عن نوع العمل اللي أكتر شي حابّين نرجع نشوف زياد من خلاله ، إمّا ألبوم غنائي أو مسرحية أو لقاء حواري أو حفلة .

بلّشت الحملة بمبادرة فردية من محبّي زياد وما في اي جهة رسمية خلفها، شغلنا هادىء وما رح نعمل تجمّعات أو اعتصامات . المشاركة عم بتكون من لبنان والخارج من خلال صفحة أنشأناها على موقع الفايسبوك خصيصا” وطريقة المشاركة جدا” سهلة ، بيكفي إنّكم تطبعوا العريضة الموجودة على صفحة “الشعب يريد زياد الرحباني” وتمضوها مع الأصدقاء وترسلوها إلى العناوين المذكورة فيها ورح نجمعها كلها ونسلّمها لزياد .

عم نشتغل على الأرض بفعالية أكبر من خلال تعليق البوستر في عدة أماكن عامة مثل الجامعات والمكتبات والمراكز الثقافية والمقاهي وغيرها ونوزّع عدد من النسخ عن العريضة بهيدي الأماكن لتكون متوفّرة بسهولة لدى أكبر عدد ممكن من جمهور زياد الرحباني ومنرحّب بكل شخص بينضمّ لفريق عملنا للمساعدة.

شكر كبير لكل شخص عم بساعدنا ويشارك معنا بهيدي المبادرة الجماهيرية تجاه فنان الشعب العبقري زياد الرحباني !

www.facebook.com/alshaab.yourid.ZiadRahbany