فنانة تفاجئ محمد رمضان برأيها بعد إلغاء حفله في الإسكندرية… اقرأوا ماذا قالت عنه

على طريقته الخاصة، ردّ الفنان المصري، محمد رمضان، على القرار الذي تم اتخاذه في الساعات الماضية بما خصّ إلغاء حفله الذي كان مقررًا في السادس من الجاري، في سوريا والآخر الذي كان مقررًا في السابع من الجاري، في الإسكندرية، عن طريق نشر فيديو عبر حسابه الخاص على موقع فايسبوك من الزيارة التي قام بها في وقت سابق الى الاسكندرية.

وكتب محمد رمضان على الفيديو: “عندك سُلطة تلغي حفلتي عندك سُلطة تهد.. بس معندكش ع الأرض محبتي.. ولا عندك عزوة بجد، ليلة وسط الناس بـ١٠٠٠ حفلة، اللهم ديمها نعمة”.

جاء الفيديو بعد ساعات من إعلان نقابة الفنانين السورية إلغاء حفل محمد رمضان الذي كان مقررًا في العاصمة دمشق، والذي أعلن عنه رمضان منذ عدة أيام عبر حساباته بمنصات التواصل.

الجدير ذكره ان محمد رمضان اختار الردّ عمليًا على الحملة المطالبة بمنع “حفلات الإسفاف” في الإسكندرية عن طريق جولة له على الأقدام في منطقة الكورنيش والتقاط العديد من الصور مع المواطنين الذين التفوا من حوله وتسابقوا على الترحيب به وذلك لإثبات أن ما حدث في الأيام الماضية “حملة ممنهجة وممولة” ضده.

ولا زالت حفلة اربيل قائمة في ٢٧ الجاري وذلك بعدما ظهر رمضان وهو يروّج لها بشريط فيديو.

وبالتزامن مع اعلان إلغاء حفل محمد رمضان في الاسكندرية، خرجت الممثلة المصرية، فريدة سيف النصر، عن صمتها معربةً عن انزعاجها بسبب إلغاء الحفل وقالت بمنشور طويل عبر حسابها الخاص على موقع فايسبوك.

وقالت باللهجة المحكية: “هو في إيه محمد رمضان… كده اوفر أوي عين”.

وتابعت: “اللي بنسمعه ده أغرب من الخيال.طول عمرنا بنعمل مسرح في ماريا عروسة البحر الأبيض..طول عمرنا عارفينها فاتحه أحضانها للفن وهي منبعه..اكرم ناس ذواقه لكل الالوان من مستوي السيد درويش لحد بداره وحمو بيكا واكتر من كده هو وزمايله..اشمعني بقي لااله الاالله.علي فكره اللي اتخرب بيته اللي عامل الحفله وعارفينهم حقيقي باعوا التذاكر كلها..طيب الناس اللي بتحبه يولعوا يعني علشان العند والتصاريح علي فكره معجبينه كلهم شباب وغالبيه عظمي مالهمش في عند وحقد العواجيز ومحاولات الهدد .لكن لو سعادتك ارتحت يهمنا راحتك يارب بردا وسلاما ياساتر يارب “.

واضافت: “المسؤل عن التصريح ناقص يدخل اللي مش علي مزاجه بفيزا…واللي مش قادرين يفهموه. الفنان لو له عمر بيستمر اكتر من اي مركز وكرسي زائل..هو ايه الغلب ده هو تار ولا ايه طيب نفهم علشان ماندافعش فهمونا..ياريسنا الاسكندريه مش بتاعت اي مسؤول دي بتاعتنا كلنا معظمنا اهالينا هناك عند العروسه وكرم الدنيا والجدعنه الاسكندراني مابيكرهش حد وبيحب كل الالوان ما بيكا اهو مثلا تاني اهو ..

يعني ايه تصاريح ؟ محافظات مصر كلها للمصريين..وكل ده وقت لتصريح عن حفله معروفه للكل واشمعني الأجانب هوا يتعمل كل حاجه وحفلات لغير مصريين علي راسنا لكن بالنسبه لابنها ايه بقي.. هو في ايه؟ الحرب والحقد مش للدرجه دي كتير كده…الاسكندريه أهلها بس اللي يقرروا..ولو قالوا يبقي تمام لكن عند مع مسؤول ماينفعش.

واللي يكلمني ويقول لي بتطبلي له اهو شغلك معاه..ايه الادب ده.اولا رمضان مابيدخلش في حاجه في حاله ومحترم قسما بالله..وبرضه مسلسل موسي محمد سلامه اللي رشحني ده ابني يعني اسألوه..ومسلسل العمده اللي مرشحني محمد سامي وكنت عايزه اشتغل معاه بجد..وانا بحبه هو ومي جدا من القلب للقلب.. ده لو بيقبضني وعامل لي بطولات مش هاتضايق كده بس بجد حرام ..نهدي بقي ..”.

وختمت قائلة: “وتاني بسيطه نعمل له مسرحيه في بلدنا الاسكندريه ونعرف بقي بتصريح ولا خيبه تقيله.. بعد العمر ده كله فيها وقبل ما الكراسي دي ما يتقعد عليها وياما راح وجه كتير ومشيوا معاش فوقوا. هو في ايه..ولا يمكن هاناخد فيزا قريب ماهو هايبقي للفنانين كلهم بقي ولا يكون معمول لرمضان بس ياعيني يابني..حلوه فيزا دي ماهو كان ده المخطط ناسيين..الله المستعان..

وانا بقي ربنا خالقني كده وباخسر علي فكره بس باكسب نفسي اللي باصدقه والاقيه مظلوم بجد أو مستهدف بادافع طالما مقتنعه..هو مش اسوء مافيها بس كل موضوعه ربنا كل مابيتحارب بيوسع عليه اوي وبيقف جنبه ومحبينه يزيدوا حاسبوا ربنا بقي ..استغفرالله..جري لنا ايه؟ ويبقي السؤال مين السبب هو في حد اشتري العروسه فهمونا دي بتاعتنا حته من روحنا وعمرنا نفهم.سلام.”.