غنى غندور تعلن عن اصابتها بسرطان الثدي بصور من المستشفى

كشفت خبيرة الموضة اللبنانيّة، غنى غندور، إصابتها بمرض سرطان الثدي، إذ ااعلنت الخبر عبر مشاركة المتابعين عبر حساباتها على مواقع التواصل بهذه التجربة.

ونشرت غنى أكثر من صورة لها من داخل المستشفى وكتبت رسالة طويلة باللهجة المحكيّة روت تفاصيل دقيقة مرّت بها خلال هذه المرحلة وقالت: “دايماً تعوّدتوا على صوري انو تنشر الفرح والايجابية واليوم ما رح يتغيّر شي، رح ضلّ غنى القويّة والمتفائلة بالحياة بالرغم من ان بتاريخ ١٠ اب عرفت انو معي سرطان الثدي”.

 وتابعت غنى غندور “الفترة الجاية ما رح تكون سهلة عليي وعلى عيلتي بس ما تركت هالشي يمنعني اتغيّر وضلّيت غنى يلي تعرّفتوا عليها يللي دائماً بتفّكر انو بكرا احلى وقلت الحمدلله كنت محظوظة والله تلطّف فيني واكتشفتوا بوقت مناسب”.

 وختمت قائلة: “اليوم وانا طالعة من العمليّة وقبل ما بلّش برحلة العلاج الطويلة، حبّيت خبّركم لشدّد على أهميّة التوعية لكلّ امرأة عن الفحص والكشف المبكر وشكراً لكلّ المحبّين يللي ما تركوني، بحبكم”.