ديما بياعة تبكي بحرقة على شهداء حمص الاطفال

اطلقت الممثلة السورية ديما بياعة تغريدة مؤثرة جداً على صفحتها الخاصة على موقع انستغرام وذلك بعد سقوط 49 شهيداً معظمهم من الاطفال جرّاء انفجار سيارتين مفخختين ظهر يوم امس الاربعاء بالقرب من مدرسة عكرمة المخزومي في حي عكرمة، مدينة حمص، سوريا.

وقالت ديما بياعة: “شي بيحرق القلب، والعقل ما عاد يقدر يستوعب لك مين نحن،وين صرنا،لوين رايحين والى متى كل هي الاسئلة وما في جواب غير دماء الشهداء الأبرياء، لك هدول ملائكة ليش ولشو لك اخ يعني فوق الموت عصة قبر وحرقة قلب”.

وتابعت بياعة: “دمعتي ما عم تنشف وانا عم فكر فيكون وكيف ودعتوا امهاتكن وانتو رايحين على المدرسة “قوم ماما رح تتأخر على الباص” “حبيبتي لازم تفطري وتشربي حليب لحتى تقوي وتكبري” “بابا لازم تركز بدروسك ” “حبيبي اليوم بس ترجع رح اخدك مع اخواتك لنشتري اواعي العيد “.

وتساءلت: اين هم الآن؟ لا عيد ولا كبروا ولا نجحوا، اللهم لا اعتراض على مشيئتك والحمدالله على كل شي، الله يصبر اهاليهم ونحن لو ما قلنا ولو مهما تكلمنا لن نستطيع تغيير شيء”.

وختمت قائلة: اعذروا تقصيرنا وسامحونا عيدكم في الجنة ونحن لن نعيد الاضحى لأنه اتضحى فيكم باسم الدين، هذا ليس ديننا ولا اسلامنا ولا شريعتنا لقد تم تشويه إسلامنا، وإسلامنا بريء منهم الله يحرق قلبهم مثل ما حرقوا قلبنا وكفى”.