لهذا السبب دعت نينا عبد الملك جمهورها لملاقاتها الليلة في ساحة رياض الصلح

متابعة – على الرغم من عدم معرفتها في السياسة، وعلى الرغم من انها لم تبد رأيها في الامور الحياتية التي تعني المجتمع منذ ان سطع نجمها في برنامج المواهب ستار اكاديمي، إلا ان الوضع المزري الذي وصل اليه لبنان في الآونة الاخيرة جعل الكثير من الفنانين الخروج عن صمتهم واطلاق صرخة علها تصل الى المسؤولين بشكل اكبر، ومنهم الفنانة الشابة نينا عبد الملك التي دعت جمهورها على مواقع التواصل الاجتماعي الى المشاركة في مظاهرة “طلعت ريحتكم” التي ينظمها شباب المجتمع المدني ضد الحكومة التي لم تعمل جاهدة للوصول الى حل لازمة النفايات التي تجتاح الطرقات منذ اكثر من شهر.

وقالت “عبد الملك”: “بحاول قد ما بقدر ضل بعيدة كل البعد عن السياسة وهالمواضيع الحساسة يللي بعتبر حالي ما بفهم فيا اصلاً تأعطي رأيي. بس كوني لبنانية ، و كوني خلقت من بطن امي عليي ديون من ورا دولتي المحترمة حالها، كوني بس سافر بستغرب شوف الكهربا جايي ٢٤/٢٤ والمي ما بتنقطع ، كوني صرت استحلي شي عيلة ما فيها تلات مغتربين واكتر، كوني صرت امشي بالشارع ما شوف غير زبالة طالعة ريحتها من ورا مسؤولين هني اللي طلعت ريحتن، كون القتل العشوائي والجرائم عأنواعها والفقر والبهدلة والذل صارو شي عادي جدا ببلدي، ما بقى اسمح لحالي ضل ساكتة وعايشة بعالم تاني ناطرة التغيير بجي لحالو، فبدي ادعي كل اللبنانيين اللي قلبن محروق علبنان ويللي عنجد بدن تغيير حقيقي وبدن بلدن يرجع للعز اللي كان في قبل الحرب ، ينزل يتضامن معنا السبت عالساعة ٦ بساحة رياض الصلح بحملة “طلعت ريحتكم” ، بلكي صوتنا بيوصل ومنقدر ننقذ بلدنا ونَّضفو من وساخة وجشع السياسيين. ما بقى الوضع يحمل نضل نكذب عحالنا انو بلدنا احلى بلد، لأ بلدنا ما عاد اسمو بلد، خلينا نرجعو طالما بعدنا قادرين.”

نذكر ان نينا عبد الملك كانت قد اطلقت اغنيتها المنفردة الجديدة “بدون اي حدود” على طريقة الفيديو كليب مطلع آب/اغسطس الجاري، على القناة الرسمية لفرقة UAT التي تضم الى جانب “نينا عبد الملك” من لبنان كل منBachir Tunisiano من تونس، وطارق من المملكة العربية السعودية.