متابعة- نجوم لبنان ينعون بيار شمعون… وداعًا صانع البهجة

فُجع الوسط الفني اللبناني، برحيل الممثل بيار شمعون، إثر أزمة صحيّة مفاجئة تعرّض لها في الساعات الماضية، نقل على أثرها الى المستشفى حيث توفي.

وبالتزامن مع شيوع الخبر انهالت التعليقات من قبل الفنانين اللبنانيين الذين اعربوا عن حزنهم الشديد على رحيل فنان كبير أدخل البهجة والبسمة الى قلوب المشاهدين بعشرات الأعمال السينمائية والمسرحية والمسلسلات.

–فكتبت شركة الصبّاح: “خسارة فنية كبيرة، الرحمة لروح الممثل القدير بيار شمعون … تعازينا لأهله ومحبّيه”.

–كارمن لبس: “الله يرحم صاحب الضحكة والروح الحلوة وصديق الكل”.

–باسم مغنية: “رحل صاحب الضحكة . عندما أسمع بإسمك أبتسم . حتى عندما سمعت بخبر رحيلك ابتسمت ولكن في داخلي غضب لا يوصف. أستاذي وحبيبي وصديقي لا أعرف ماذا أقول”.

–زياد برجي: “لو كنت ما بعرفك كنت اترحمت عليك لأنك فنان لبناني كبير وعظيم، بس لأني بعرفك واشتغلت معك فأنا من نص قلبي بترحّم عليك مليون مرة وبقول الله يرحم روحك ويجعل مثواك الجنة والله يصبر عيلتك وما رح ننساك بحياتنا يا اهضم واطيب انسان على الكوكب.”.

–كارلا بطرس: “ضيعانك بيار شمعون يا رب ما رح يبقى مين يضحكنا”.

–جويل داغر: “كتير زعلت على خبر و فاة الممثل بيار شمعون الله يرحمك ويصبر اهلك تعازينا الحارة”.

–جيسي عبده: “يا بيارو يا رفيق البسمات يا صديق الايام الحلوة شو هالخبرية هيدي؟؟؟؟ مش عم صدّق بشع كتير هالخبر يا بيار بكّرت كتير لله يرحمك يا طيب يا آدمي رح نشتقلك كتير”.

–مازن معضم: “يا حبيب القلب يا صاحب اطيب قلب واخف روح تعازينا الحارة لعيلتك ومحبينك ولخيي وصديقي طوني”.

–شربل خليل: “من وين بدّي عوّض قلبك الحلو، من وين بدّي عوّض محبتك وفاءك صدقك آدميتك صداقتك والعمر اللي قضيناه بالبسمات؟ بس مات بيار ماتت البسمات بعدني مش عم صدّق”.

–رولا حمادة: “متل اوراق الشجر عم يوقعوا، الله يرحم بيار شمعون، أحر التعازي لعائلته ولكل زملاء المهنة . البقاء لله”.

–الين لحود: لهاللحظة ما بدّي صدّق الخبر..عبالي حدا يطلع ويقلي شيلي الpost Pierre Georges Chamoun  ما بو شي حاج تسمعوا اشاعات و تصدّقوها..يا الله يا Pierrot كيف بتعمل فينا هيك..كيف؟”.

–كارول سماحة: “رح نشتقلك بيار شمعون الله يرحمك”.

–نادر الأتات: “بيار شمعون إلك الفضل بضحكات كتيرة ببلدنا البسمة اللي رسمتها على وجوهنا رح تبقى محفورة بذاكرتنا طول العمر تعازينا للعائلة الكريمة ولبلدنا ولكل المحبين”.

–كميل متى: “اوقات بتسمع خبر وما بتصدق… الله يرحمك صاحب القلب الطيب بيار شمعون”.

–طلال الجردي: ما هذا الخبر ؟؟!!! بيار شمعون في ذمة الله… اوف.. لا اتخايل بيار الا ايجابي و مبتسم و مبعث للفرح .. السلام لروحك…بيار الجميل الروح”.

أخبار ذات صلة: محدث- نقابة الممثلين في لبنان تنعي بيار شمعون