تغطية خاصة بالفيديو- شادي عيّاش يصرّح: كل ما اجاني جاهل وعديم المعرفة متل عماد قانصو وطلب مني حفلة اكيد ما رح إقبل؛ ورولا تلج لفضل شاكر: كفى متاجرة بالدين

أطل شادي عياش شقيق البوب ستار رامي عياش عبر برنامج “للنشر” مع الاعلامي طوني خليفة ليرّد على متعهّد الحفلات عماد قانصوه الذي حلّ ضيفاً في البرنامج نفسه في حلقة سابقة حين صرّح ان الفنان فضل شاكر عنى كل ما صرّح به ضدّ البوب ستار رامي عياش وان رامي غير مطلوب لاحياء الحفلات في لبنان وان حفله ليلة رأس السنة في الفوروم دو بيروت كان الاضعف بين كل الحفلات .

وكال شادي لعماد الكيل كيلين وردّ عليه بلهجة قاسية وفضح امر طلب عماد من رامي احياء احدى حفلاته ليلة راس السنة فاعتذر عن تلبية طلبه بسبب ارتباطه بحفل الفوروم واعتبر شادي كلام قانصو رخيصاً يعكس مستواه وأخلاقه ، اليكم ما صرّح به شادي عياش:

“بحب ذكر المشاهدين ويللي عم يسمعونا وعم بيشوفونا انو لما كان رامي عياش بلش يحصد نجاحاتو من سنة 96 كان فضل شاكر بعدو عم بيغني بالكاباريات والقهاوي الصغيرة ومحلات الاراكيل وكان زلمت فضل شاكر عماد قانصو يللي بيمثلو باسلوبو واخلاقو ، يبيع كروتت تشريج للتلفونات ومش شغلتو هشغلي، هلق الشغل مش عيب ok وبفهم هشي بس العيب الكبير وأكبر عيب انو فنان يتطاول على ناس معروف عنن انن أهم منو بمية سنة بالاخلاق واللياقة والاحترام ومعروف عنن بتاريخن الابيض النظيف الحافل بالنجاحات.

وإذا كل ما اجاني جاهل وعديم المعرفة ورخيص الاسلوب وطلب مني حفلة ، اكيد ما رح إقبل وخصوصا وبأكدلك وعندي اسباتات انو دقللي من شان حفلة راس السنة وتهربت منو بطريقة لايقة واسلوب حضاري واعتتزرت منو وقلتلو انو رامي مش قادر لانو مرتبط بحفلة ثانية.

انا بعرف انو المؤمن ويللي مزبوط بيخاف الله وبيدعي العفة والإيمان… ما بيحكي عن حدا هيك وما بيجيب سيرة حدا بالعاطل وما بيتهجم وبيتجنى عزملائو وعلى الناس الشريفة بهطريقة الرخيصة والمبتزلة يللي ما بتعكس وما بتترجم إلا شخصيتو وتفكيرو ومربيه..

على كل حال شفنا مؤخرا مشاكلو مع الفنان راغب علامة وكتير من الفنانين المحترمين!!

وشفنا وللأسف بقولا… الطريقة الشوارعية الرخيصة يللي بيتبعوا باسلوبن ونمط حياتن ..بس الظاهر انو فضل شاكر ما تعلم وما رح يتعلم وللأسف بقولا كيف يكون فنان لايق !!

كل الناس عم تشتم بفضل شاكر .. نزلو علشارع واسئلو .. وشوفو كيف نزل من عين الكل..وعلى كل حال في قضاء بكرا بياخد مجرا والله يشفي ويعطي الحكمة …”

من ناحية أخرى أطلت الآنسة رولا تلج صاحبة شركة Moon and Stars المنتجة لحفل الفوروم دو بيروت لتتحدّث عن نجاح حفل ليلة رأس السنة وعن مفاجأتها لدى سماع تصريحات الفنان فضل شاكر تجاه زملائه الفنانين واعتبرت انها صدمت من شخصية فضل التي اعتقدت انه رومنسي وراقٍ كفنّه وقالت ان لا يحّق له ان يطلب من النجمة الكبيرة وردة الاعتزال ولا وضع الحجاب فيكفي المتاجرة بالدين في امور مماثلة وانتقدت متعهد الحفلات عماد قانصو معتبرة انه لا يفهم بالانتاج التلفزيوني كون الحفل كان انتاجاً خاصاً لثلاث محطات تلفزيونية.

نترككم مع المقابلة