ميلاد أغلى ملاك … رامي الشمالي

رامي كنت محتارة كتير شو بدي اكتبلك بعيدك…واليوم 21/04/2011 عم اكتبلك و ما بتتصور قديش صعب عليه اكتبلك بهاد النهار

…
ماني مصدقة عم اكتبلك و عم هنئيك بنهار عيد ميلادك وانت مانك موجود معنا

من 24 سنة متل هاليوم خلقت واجيت عالدنيا واهلك كانو اكيد مبسوطين كتير فيك، مبسوطين بأبنون الكبير ومبسوطين صارو اب و ام و شوف هالدنيا شو ظالمة من بعد 24 سنة فرضت على امك اتكون لحالها بهاد النهار من دونك ومن دون بيك، لحالها مع القهر يلي ما
عم تقدر تتغلب عليه و مع الذكريات ومع صوتك و صورك يلي ملين بيتكن و ما عم يفارقو

لسه مبارح كنا عم نشوف و نسمع الطلاب عم ينادوك لتجي وتشوف الهدايا يلي وصلولك من اصحابك، قرايبك و جمهورك
لسه مبارح كنت كتير مبسوط بنهار عيدك والضحكة ما كانت عم تفارقك
لسه مبارح كنت عم تقرأ شو الناس كاتبتلك وشو باعتينلك
هالمبارح يلي عم احكي عنو كان بالزبط قبل سنة!!
معقول خلال هالسنة يتغير كل شو بالطريقة هي؟ طيب ليش مانك معنا اليوم لتحتفل بعيد ميلادك، لتطفي الشموع و تقص الكاتو و تطلب امنياتك للسنة الجديدة
رامي كانت امنيتك تكون مشهور واليوم ما في حدا ما بيعرف مين رامي الشمالي وقديش انت عظيم ورائع

رامي انت شمعتنا المنورة بهالعيد و بكل الاعياد ، انت يلي عم تنورلنا طريقنا دائما
انت يلي عم ادلنا الطريق الصحيح للأيمان والحقيقة
رامي يا شمعة حياتنا رح ظل منور حياتنا للأبد لن من دونك ما بتسوى حياتنا شي من دونك حياتنا ظلام قاسي

رامي ما بعرف شو قلك بعد، ما عم اقدر عبر عن يلي حاسيستو ويلي بقلبي بس دموعي الكفيلة لتعبر عن قهري و عن حزني الي ما بينوصفو بكلمات على فراقك

عشت 23 سنة عالارض و احتفلت مع اهلك و اصحابك و بعيد ال 23 كنا محظوظين كتير لنشوفك و نحتفل معك لسنة وحدة بس هاد العيد رح يظل معنا ورح نظل نشوفو بس للأسف مش متل قبل، كيف كنا نببسط وقت اتطل عالشاشة وقديش كنا ننبسط اكتر وقت نشوفك مبسوط … هالسنة عم نشوفك و نحنا مو مصدقين لهلق انك خلص رحت وشو عم نتمنى لو كنت معنا

عيد ال 24 رح تعيد للسنة الاولى مع يسوع والقديسين مع الابرار والصالحين
يا ملاكنا يا قديسنا بتمنى من كل قلبي اتكون مبسوط بحياتك الجديدة بالرغم انك بعيد عنا و هالشي عم يذبحنا و بطلب من ربي وقت يجي وقت اني روح عا حياة جديدة كون معك و بجنبك رامي
وبدي اطلب كمان من ربي انو يساعدنا وما يتركنا لن هو دائما مع الحق ليرجع حقك وبراءتك تنور سما العالم

بدي قلك كل عيد وانت بقلوبنا
كل عيد و انت ملاكنا الحارس يلي عم يساعدنا دائما و ما عم يتركنا ابدا
كل عيد وانت عايش معنا….. و الأصح مش بس كل عيد كل دقيقة و ثانية

بدي قول اني مستحيل انسى رامي الشمالي
رامي انت روحي و قلبي وبموت فيك
كل سنة وانت مبسوط يا حياتي
ايفيت