خاص بالفيديو- القطريون يستقبلون نجوى كرم بالزغاريد… ولقاء في برنامج صوت المهرجان في الدوحة ليل أمس

استضاف طوني بارود وكرستينا صوايا شمس الغنية اللبنانية نجوى كرم ضمن برنامج صوت المهرجان الخاص لتغطية فعاليات مهرجان الدوحة العاشر للأغنية الذي يحتفي هذا العام بالأغنية اللبنانية تحت شعار “عا هوا لبنان”، واليكم أبرز ما صرحت به نجوى:

· نحنا بالنسبة لنا الجمهور هو الزوج والحبيب

· الاستمرارية مش انا خلقتا ، سبقونا عمالقة عالاستمرارية و جربنا نسرق بعض المقتطفات بحياتن اللي جسدولنا اياها باجمل الرسائل على الارض ووجدت ان الالتزام ضروري ويجب عدم الخوض بالروتين

· انا لا اؤمن بالحظ

· انا بشكر اللفتة الكريمة التي زرعتها دولة قطر لتكريم الاغنية اللبنانية وهيدا كرم منها وحضارة ورؤية جميلة وبشكر دولة قطر على مساعدتها للبنان على كافة الصعد

· ما في مرتبة للاغنية اللبنانية في اغنية خليجية واغنية مصرية واغنية لبنانية وكلن بالصفوف الاولى اذا الفنان قدر يخدمهن صح و بالنسبة لنا رسالتنا وقضيتنا الاغنية اللبنانية

· بتواضع لعبت دور بتكملة ايصال الاغنية اللبنانية للعالم بعد الركود الفني للاغنية اللبنانية في السبعينات والثمانيات بصوتي الذي يكاد ان يكون الوحيد الذي اطل بالتسعينات بالاغنية اللبنانية

· اللحن عالمي واللهجة هي اللي بتحدد الهوية ، بحب الاغنية المصرية والخليجية من اربابن ومن اصحابن وانا بغني اغاني بدوية او لجهة بيضا

· عن نجاح فيديو كليب لشحد حبك ، الاذن ما بتشبع متل العين وتوصل للقلب بطريقة اصدق من العين ، بس نحنا اليوم بعصر الفضائيات وعصر المرئي و اليوم 50% من نجاح الاغنية للمرئي. ونجاح الكليب من الالتزام والعشق والغرام بعملي الفني ، وانا للفن متل الحبيبية اللي ما بتحكي بس بتنفذ وقبل ما يطلب مني شي بكون نفذت اللي بدو ياه وصرنا واحد ، واللي بيحسب بس بدو ياخد كرمال عطائو انسان باطل ،ممنوع تحسب انو بدك تاخد انت وعم تعطي .

· بحب اعمل ديو مع فنان خليجي بس ما في شي حاليا

· كريستينا كمذيعة صوت حلو وفي بحة حلوة وفاتت على الوسط الفني وتأثيرها على طوني زاده جمالا

· نداء : شو بدنا بالمال شو بدنا بالحرب ، عمر الانسان 60 سنة والدنيي فانية خلينا نعيش سوا عالارض ونتيجة المحبة ما بتكون الا نور وما نشوه الاشياء الجميلة التي وهبنا اياه الله

· فخورة انو قطر ستستقبل كأس العالم 2022 وحبيت التحدي انو تحدينا فيها وحش العالم اميريكا

· انا حتى لو كنت خارج روتانا بحس انو انا ما زلت داخلها واللي قدرت احصل عليه الان خارج روتانا هو عدم الاحتكار لانو انا ضد الاحتكار والحرية مهمة.

شاهد الفيديو