“أشعر بالذنب”… نيقولا معوض يفاجئ المتابعين برسالته العلنية

ينتهي الممثل اللبناني نيقولا معوض بعد ثلاثة أيام من تصوير مسلسل “على الحلوة والمرّة” خارج لبنان.

نيقولا معوض خصّ المتابعين عبر حسابه على انستغرام برسالة مؤثرة جدًا عن الوضع في لبنان وقال حرفيًا: “بعد ثلاث ايام بيخلص مسلسل صرلي ٦ شهور عم صوره برّات لبنان.. عا قد شعوري بالفرح بهالمشروع، شعوري بالذَّنب..
ذَنب اني مبسوط وقت اللي لبنان عم بينازِع..
ذَنب اني عم بشتغل وقت اللي اصحابي بلبنان بلا شغل..
ذَنب اني عم طلِّع مصاري وقت اللي في عِيَل عم تشتهي تاكُل..
هاي اول مرة بحياتي بقعد ٦ شهور بعيد عن لبنان..
كل حدا عم بحكي معو بيسألني شو راجع أعمل.. ليه راجع عا لبنان وقت اللي فيك تبقى برّا؟
ما بعرف ليه راجع، عن جدّ ما بعرف..
بالمنطق ، معُن حَقّ.. شو راجع أعمل؟
بس المشكلة انو ما بعمري لحقت المنطق..
يمكن راجع لانو بدّي عاني.. بدّي أوقف عا محطة البنزين.. بدّي عيش بلاكهربا.. بلا مَيّ.. بلا شي.. بدّي احمل شوي من يلّي عيلتي و صحابي حاملينو..
يِمكِن خَفِّف عا حالي شويّة ذَنب”.

ويصوّر نيقولا خارج لبنان مسلسل عربي مشترك بعنوان “على الحلوة والمرة” مؤلف من 60  حلقة من انتاج مجموعة MBC  وهو من النوع الرومانسي-الكوميدي على أن يعرض خارج السباق الرمضاني.

مسلسل “على الحلوة والمرة” يضم نخبة من الممثلين منهم دانا مارديني، باميلا الكيك، محمد خير الجراح، كارمن لبس، جو طراد، نور علي وغيرهم.

ويجسد معوض شخصية مدير فندق يعود الى لبنان ليتزوج ثم يتفاجأ بموضوع من الماضي يعود الى الواجهة من جديد ليعكر فرحته.