تامر حسني يتصالح مع زوجته ويوجه لها رسالة عتاب
بعد أيام على اعلان الفنانة المعتزلة بسمة بوسيل انفصالها عن زوجها تامر حسني، وجه الأخير رسالة عتاب وحب لزوجته.
اتخذ “حسني” من حسابه عبر موقع انستغرام منبرًا ليوجه رسالة الى زوجته خاصة بعدما تردد ان سبب الانفصال يعود الى غيرة بسمة من المعجبات.
وقال تامر حرفياً: “بسمة حببتي للاسف انت مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة .. المهم انا مش هزعل منك ولا يرضيني زعلك انت حبيبتي وأم ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير“.
وتابع :”ليه لما اي حد بيزعل من حد بيطلع يكتب عليه في السوشيال ميدي طب حتى يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انت عرفة ان في ناس في طبيعتهم حب خراب البيوت ومش هنخلص منهم بس انت اللي هتهلصي من فكرة انك تسمعيهم“.
وأضاف :”ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لنا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انت شاركت الجمهور الكريم فكان لازم ارد هنا.. وبينا حب عالي وحياة كريمة وأولادنا وبيتنا أغلى ما فيها ربنا يخلينا ليهم ويخليهم لنا يارب.. متهورة بس بحبك“.
