زاوية القراء – مش كل طير بتاكل لحمه

أوحت لي صبية هذه القصيدة بعد أن سمعتها تقول لشاب “مش كل طير بتاكل لحمو”.

مش على كيفكْ تْغازلني, ولا على كيفكْ تْقابلني,
أنا خيّي بحدّي, وِخالو وْعَمّو, ونا طيْرِ وْقاسي ع سْنانكْ لحمو.

بِصدق ِ الغرامْ تِكسبْ حبّي, بِزَيْف الكلامْ تخسرْ قلبي,
قلبي المعروفْ وُمنْ يَوْمو, لا غرُّو الْمالْ وَلا كانْ همو,
مش على كيفكْ تغازلني ولا على كيفكْ تقابلني
أنا خيّي بحدِّي وِخالو وْعمّو ونا طيْرِ وْقاسي ع سنانكْ لحمو.
لو انتَ عاشقْ كلّم أهلي, لو انتَ صادقْ قدَّر عقلي,
كن زيِّ صريحْ والحقْ فاهمو, كُتْرِ المديحْ بِِحَداً ذمّو.
مش على كيفكْ تغازلني, ولا على كيفكْ تقابلني,
أنا خيّي بْحدِّي وِخالو وْعمّو ونا طيْرِ وْقاسي ع سنانكْ لحمو.