هشام سليم ردّ بقساوة على ياسمين عبد العزيز في قضية ابنته

متابعة – بصراحة: ردّ الفنان هشام سليم بقساوة على الممثلة ياسمين عبد العزيز بعدما خرجت الاخيرة عن صمتها وتحدثت اثر صدور الحكم بحبس ابنته 3 اشهر في القضية التي رفعتها ضدها اتهمتها فيها بالاعتداء عليها بالضرب.

وقال هشام سليم على صفحته الخاصة على موقع فايسبوك:

اولا انا الحمد لله تركت القريه اللي انتي فيها مش علشان الناس طردوني زي ما بيحصل للي ما يعرفوش الأصول .
ثانيا انا فعلا لا يشرفني ان تكوني جارتي لان سمعتك في الوسط سبقاكي.
ثانيا القضية لسة ما خلصتش و لما الحكم النهائي يطلع ارجو ان يظل القضاء عادل لاني سأثبت انك كاذبة و تتمادين في الكذب حتي اليوم
ثالثا انتي في المحضر قلتي صوت عالي طالع من الفيلا بتاعة اللي جانبك . طب ما قلتيش ليه ان فيه حفلات صاخبة و بنات و ولاد و شوية تحابيش من اللي بتأليفها 
ثالثا الفاظ ايه اللي بتعفي عن قولها لما الوسط كله سمعك بتقوليها قبل كده و أكيد بناتي لم يقولوها ( فاكرة التورتة اللي لبسوها في وشك في التصوير)
رابعا ايه اللي وداكي عند الجار و قابلتي بناتي برة امام الفيلا يعني ما كانوش جوة في الحفلة الصاخبة 
خامسا لما الولاد و البنات طلعولك و هذا يؤكد انك كنتي امام فيلتهم ما فيش غير بنتي اللي ضربتك بالموبايل ده المفروض كانوا كلهم يتلموا عليكي و يتسلوا عليكي
سادسا ما جيبتيش سيرة العربيات السودة و البودي جاردات و طلبك يطلعوا المسدسات ليه 
سابعا مش تفهمي الاول القضايا بتمشي إزاي قبل ما تقولي المحكمة حكمت و لا الجهل القضائي عندك زايد .لو كده اسألي شلة المحامين اللي انت جايباهم 
ثامنا لن اعتذر لك (لاني كلمتك اول يوم و جوزك رد عليا بعد تالت مرة) و لا ابنتي فأنت غلطانة انك نزلتي من بيتك و تكلمي مع عيال و اللي يمشي ورا العيال ما يخلاش من التهذيق 
و نصيحة مني علشان تكذبي لازم تكذبي صح و ما تنسيش اللي قلتيه قبل كده 
الي اللقاء في الحكم النهائي و يا تري لسة بتلعبي اسكواش.

وكانت ياسمين عبد العزيز قد كتبت على صفحتها الخاصة على موقع فايسبوك قائلة:

لم ارد ان اتحدث في القضية لحين حسمها بمعرفة القضاء العادل

هشام سليم ليس جاري كما ادعي! وأبنتة كانت ضيفة في المنزل الملاصق ليا

ابنة هشام سليم كانت في المنزل المجاور لي هي و مجموعة من الشباب (اولاد و بنات) و بدون وجود صاحب المنزل وكانوا يقيمون حفلات صاخبة كل يوم من العاشرة مساءا حتي الخامسة صباحا !! و لانستطيع النوم

الذي حدث اني استاءت من الصوت العالي للحفلة المقامة فاعترضت فخرج لي مجموعة من الأولاد والبنات وفيهم بنت عرفت بعد ذلك انها بنت هشام سليم و قالتلي احنا أحرار قولتلها فين أهالييكوا اللي سابينكم كده وقالتلي ألفاظ اعف عن ذكرها !وراحت ضرباني في وجهي بالموبايل وا حدثت بي إصابات جسيمة في وجهي مما تسبب في إيقاف شغلي

حدث هذا الاعتداء أمام امي وأولادي

أما عن الادعاء الذي يقولة هشام سليم انة فوجئ بالحكم ،فأقول لة عيب كده فقد حضر محاميك كافة جلسات المحاكمة وابدي دفاعة وحكمت المحكمة

لم يحاول هشام سليم الاعتذار لي هو أو ابنتة! !

هذة هي الحقيقة وأردت كتابتها بعد صدور الحكم

نذكر ان حكماً قضائياً قد صدر منذ ايام بسجن ابنة الممثل هشام سليم البالغة من العمر 17 عاما، ثلاثة شهور في القضية، التي قامت الفنانة ياسمين عبد العزيز برفعها ضدها حيث اتهمتها فيها بالاعتداء عليها بالضرب، وقال سليم بتعليق كتبه على صفحته الخاصة على موقع فايسبوك جاء فيه: “بنتي ذات ال ١٧ اتحكم عليها بثلاث اشهر غيابي رغم تقديم ما يثبت انها بالخارج.. في قضية ملفقه.. شكرًا للقانون والعدل”.