متابعة – بهاء الدين محمد يدافع عن شيرين عبد الوهاب ويرد بعنف على عمرو مصطفى

متابعة – بصراحة: يبدو أن الأزمة بين النجمة المصرية شيرين عبد الوهاب والملحن عمرو مصطفى في منحى تصاعدي خاصة بعد الرد العنيف الذي أطلقه عمرو مصطفى باتجاه شيرين اثر تصريحات الاخيرة ضده خلال استضافتها يوم الثلاثاء الفائت ضمن برنامج “المتاهة”، حيث قالت شيرين حينها “عمرو مصطفى بيجيلي البيت بيجي علشان يطبل على الجيتار وليس للعزف عليه، وبيقولي حطيلي حاجة أي تكنو أو ميوزك.. عمرو مش الملحن اللي يجي يعزف”، وأضافت “روح اتعلم يا حبيبي تلحين أو مزيكا أو امسك آلة وتعالى اتكلم”، انت اكتر واحد ودانا ب 60 داهية، عمرو مصطفى معنودش عقل، انا بكرهه للعمى“.

بعد كلام شيرين، شنّ عمرو مصطفى هجوماً عنيفاً عليها وتناولها في عدة تعليقات نشرها عبر صفحته الخاصة على موقع التواصل الإجتماعي حيث قال: “فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك”. وتابع “انا قولت أفكرك بس اخلاقي تمنعني أني انزل المستوى المنحط.”

بعد كلام عمرو مصطفى الأخير عن الشاعر المصري بهاء الدين محمد والمنتج نصر محروس، خرج بهاء الدين محمد عن صمته ودافع عن شيرين حيث شن هجوماً لاذعاً على عمرو مصطفى، وقال عبر حسابه الشخصي على الفيسبوك”:

“هام جداً: إلى الملحن عمرو مصطفى :
أولا : فوجئت على أكثر من موقع إعلامى وصحفى إنك ذكرت إسمى وإسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية .
ثانيا: على ما اتذكر انك ماكنتش لسه موجود كملحن ف الفترة اللى بدأت شيرين فيها وجودها الفنى ولو كنت موجود كملحن ف بدايتك أظن من الصعب على شخصى وشخص نصر محروس إننا نتحايل عليك تسمع صوتها وهذا كلام غير صحيح .
ومش ح اتكلم عن الكلام التانى اللى انت كتبته عن شيرين وتناولته المواقع والصحف اللى مايصحش أكرره تانى لعدم صحته ولبواخته وتهوره .
ثالثا : شيرين عبد الوهاب .. مطربة لها مكانتها ووجودها اللى أظن هجومك عليها بالاسلوب والمستوى ده كان تهور غير محسوب !!!
رابعا : نصيحة من أخ أكبر ليك : ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم .
وماعندناش نجوم كتير ف نفس المكانة .. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيرا منتظر منك الإعتذار للجميع لأنى أثق إنك بتحترم الكبار .
خامسا : اخترت ردى يكون بنفس الاسلوب اللى اتبعته ف هجومك على شيرين وذكر اسمنا كشهود على وقائع لم تحدث . وفي انتظار اعتذار الفنان اللى جواك”.