عاصي الحلاني يرفع الصوت: الحكومة الهيئة صارت مرحومة
رفع فارس الغناء العربي عاصي الحلاني الصوت عالياً بشأن الاوضاع المعيشية الصعبة التي يعاني منها الشعب اللبناني.
واطلق “الحلاني” سلسلة من التغريدات على حسابه على تويتر وقال: “بين التعطيل والتطنيش والتأليف والتلفيف العالم رح تموت بدا رغيف من فرن ابو عفيف .. والمشكلة ما عاد في لا كبير ولا صغير وكيف بدو هالبلد يقوم من البير والعتم الطويل.. لأن الكهربا يوم معنا ويومين علينا والمحارق رح تحرق ايدينا او منحرق زبالة بالشارع“.
وتابع: “ضعتوا وضيعتونا كنا ناطرين الحكومة الحكومة راحت ولحكومة رجعت ولهق ما في حكومة تهتملي بهمومي الهيئة صارت مرحومة.. وكيف بدو هالبلد يمشي اذا كل شعب هالبلد مضروب ومكرسح متل هالبلد مش عم يقدر يوقف ويمشي.. لازم تسرعوا اذا صار في عنا حكومة وجبنا فيول واجت الكهربا بدكن مين يقدر يزقف.. يوقف ويزقفلكم ما الكل مكرسح .. حيرتونا وجننتونا والعنتو الجابونا يوم مصالحين ويوم زعلانين انتو مين ومن وين جاين وكيف مركبين حتى وعتونا ونطرطونا وعالوعد يا كمون عيشتونا كل هالسنين.. ولك الله يساعدنا عليكم والله ياخد بايديكم ما انتو اصحاب البلد ولألكم عم ربي الولد حتى يعمل حارس“.
وختم بالقول: “ويالعٌن ابو المدارس ويمكن بشي رصاصة بيموت اذا بيدوبل عن وزير وكان سهيان وداعس.. لازم تنحل القصة ونحنا هلق بنصة لازم يمرق نص التاني حتى يصير عنا بلد.. انا قلت النص التاني حتى يتأكدوا بعد مره ما حدا بيلغي التاني لأن الواحد صعب يصر تنين لبنان واحد مابيصير تنين“.
