خطيبة محمد رشاد تروي معاناتها بعد الغاء حفل زفافها

670-104

بعد الغاء حفل زفاف الاعلامية مي حلمي على خطيبها نجم اراب آيدول الفنان المصري محمد رشاد، خرجت “حلمي” عن صمتها وروت معاناتها بعد ان ارتدت فستان الزفاف وعادت وخلعته اثر الغاء الحفل الذي كان من المقرر اقامته ليلة السبت، 20  تشرين الاول/اكتوبر الجاري، في أحد فنادق القاهرة في منطقة الأهرامات.

ونشرت “حلمي” فيديو لها وهي متردية فستان الزفاف وقالت: “مش عايزه اتكلم في اي حاجه غير عن وجع كسره الفرحة، ولا اعلام ولا ميديا ولا دنيا ولا مين شمتان ولا مين فرحان مش فارقلي … كلنا بندور على الفرقعة على السبق الى يضرب بس لو هتكلم عن نفسي عمري ما هعمل كده  وقت غياب فرحه حد ومش اي فرحه دي فرحه العمر زي ما بيقولو ….. ازاي؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا على جمب طيب هقولكم”.

وتابعت: “عارفين يعني ايه بعد ما البس فستاني اقلعو؟ بعد ما خلاص خطوة واحدة من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفة انها كده نتكلم عن الناس الطبيعية”.؟

واضافت: “ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين؟ بتخافو ربنا؟ طيب حتى لو نفرض وده فرضًا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشرة والسنين وتقعد تدعي وتهين لا لا ابدا مهما حصل بتلاقي نفسك مش طايق كلمة وحشه على الطرف التاني ونفس الكلام للطرف الاخر”.
وتابعت مي حلمي: “بعد الهيصة والزيطة مابيفضلش غير الحلو وبيبان الوحش بس كل الي عايزه اقولو الشدد بتبين … في الاخر حبيت اخرج كلام جوايا من الي شوفته اليومين الي فاتو ووالله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا”.

وختمت قائلة: ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد … كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا.

فرحه فستان “بتاعت الراديو” راجعة راجعة ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه…. نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض “الحب مابيتبعش” ولو ضيعتوه والله مابيجي تاني امسكو فيه مهما حصل
اكيد هنطلع ونتكلم بس ادونا شويه فرصتنا مع بعض بعيد عن الاضواء
وعاوزه دعوه حلوه لينا ارجوكم “.

وكان الغاء حفل زفاف محمد رشاد وخطيبته قد اثار الكثير من الجدل على مواقع التواصل. وتناقل رواد الانترنت الخبر بشكل كثيف معلقين على الموضوع بطريقة ايجابية وسلبية.

مقالات متعلقة

Back to top button

Adblock Detected

Please disable ads blocker to access bisara7a.com