اليازا تتوجه الى الشباب بمناسبة عيد الحب بأغنية ” فكّر قدّر “
بما أن الشباب هم الشريحة الأكبر التي تتعرض للحوادث على الطرقات، وبما أن الحبّ هو من أسمى مشاعر الفرح التي تمتلك الإنسان، تتوجّه اليازا للشباب وفي عيد الحب للفت نظرهم الى ضرورة التريّث وعدم التلهّي أثناء القيادة وعدم جعل هذه المشاعر بالحب والفرح تنقلب الى بكاء وحزن عبر أغنية توعوية من فكرة وكتابة جويس عطالله وألحان روني حرب وتوزيع ساسين أبي خليل وغناء جوليان عيسى وجميعهم شباب متطوّعين، أطلقتها اليازا خلال نشاطين مختلفين في مدرسة أدفانتست البوشرية وجامعة رفيق الحريري – المشرف بحضور عدد كبير من الطلاب ووفد من اليازا تمّ خلالهما إلقاء محاضرتين عن السلامة المرورية وإطلاق أغنية ” فكّر قدّر “.
وفيما يلي كلمات الأغنية ورابط الفيديو المصوّر :
” فكّر قدّر “
لما بتكون سايق فكر
في مين الحامل همّك
عالقليلي فكر قدّر
ترجع سالم لأمّك
ما تسرع موتك أسرع
ما تشرب تطلع وتسوق
بيكفينا عيون بتدمع
خفّف عن هالدعسة وروق
فكّر بإمك ببيّك
بمرتك أو بصديقة
فكّر بإختك بخيك
بتفرق معك عا دقيقة
ما تسرع موتك أسرع
ما تشرب تطلع وتسوق
بيكفينا عيون بتدمع
خفّف عن هالدعسة وروق
كبّر حلمك بالدّني
عبّي السعادة بأوقات
شو بتلبقلك هالدني
وشو بتلبقلك هالحياة
ما تسرع موتك أسرع
ما تشرب تطلع وتسوق
بيكفينا عيون بتدمع
خفّف عن هالدعسة وروق
فكّر بإمك ببيّك
بمرتك أو بصديقة
فكّر بإختك بخيك
بتفرق معك عا دقيقة
لما بتكون سايق فكر
في مين الحامل همك
عالقليلي فكر قدّر
ترجع سالم لإمّك
