Search
الأربعاء ٢٦ يوليو ٢٠١٧

رسالة ملكة الجمال ساندي تابت في اليوم العالمي للمرأة

شاركت ملكة جمال لبنان ساندي تابت في الحفل الذي نظّمته جمعية “الإنسان محبة” في قاعة نبيل كحالة بلدية “سن الفيل” وذلك بمناسبة اليوم العالمي للمرأة بحضور وزير الدّولة لشؤون المرأة جان أوغاسابيان وحشد من الحضور.

وخصّت “تابت” محبيها على مواقع التواصل الاجتماعي بصورتين من اجواء اللقاء.

وبمناسبة اليوم العالمي للمراة توجهت ساندي تابت قائلة:

“بس نقول إمرأة، مافيي غير ما إتذكر إحدى النساء يلي ماتت على إيد زوجها بعد ما اتعرضت للضرب و التعذيب و زوجها اليوم لح يخرج من الحبس.

كمان بتذكر إحدى الأطفال يلي تم تزويجها على عمر 11 سنة.

ما فيي ما إتذكر النساء يلي عم ينخطفوا و يتعرضوا لتجارة البشر.

ما فيي ما إتذكر إحدى النساء يلي طلعت بلا عِلِم لأن نهايتا تتزوج وإخواتها الشباب أحق.

وأكيد ما فيي إنسى إحدى النساء يلي ما قدرت تعطي الجنسية اللبنانية لأولادها.

بس نقول إمرأة بتجي على راسي صور كتير بشعا عن القوانين يلي ما بتحميها بوطني.

بس أملي كبير إنو الوضع سيتحسن، إنو القوانين ستتصلح وإنو يمكن ولادنا بالمستقبل ينعموا بقوانين بتحميون.

أملي كبير بإنو معالي الوزير حريص على شؤون المرأة وتحسين وضعها بلبنان.

ربنا خلق المرأة بأجمل صورة خلينا نحافظ عليها ما نشوها.”